శ్రీవారికి ప్రేమలేఖ

తొలిసారి మిమ్మల్ని చూసింది మొదలు

శ్రీమన్ మహారాజ మార్తాండ తేజా
ప్రియానంద భోజా
మీ శ్రీచరణాంభుజములకు
ప్రేమతో నమస్కరించి
మిము వరించి...మీ గురించి

ఎన్నో కలలు గన్న కన్నె బంగారూ
భయముతో భక్తితో అనురక్తితో
చాయంగల విన్నపములూ

సంధ్యా రాగం చంద్ర హారతి పడుతున్న వేళ
మసక చీకటి మధ్యమావతి పాడుతున్న వేళ
ఓ శుభ ముహూర్తాన

తొలిసారి మిమ్మల్ని చూసింది మొదలు
కదిలాయి మదిలోన ఎన్నెన్నో కధలు
ఎన్నెన్నో కధలు
జో అచ్యుతానంద జో జో ముకుందా
లాలి పరమానంద రామ గోవిందా జో జో

నిదుర పోని కనుపాపలకు జోల పాడలేక
ఈల వేసి చంపుతున్న ఈడునాపలేక
ఇన్నాళ్ళకు రాస్తున్నా హూహు హూహు
ప్రేమ లేఖ

తొలిసారి మిమ్మల్ని చూసింది మొదలు
కదిలాయి మదిలోన ఎన్నెన్నొ కధలు
ఎన్నెన్నో కధలు

ఏ తల్లి కుమారులో తెలియదు గాని
ఎంతటి సుకుమారులో తెలుసు నాకు
ఎంతటి మగ ధీరులో తెలియలేదు గాని
నా మనసును దోచిన చోరులు మీరు

వలచి వచ్చిన వనితను చులకన చేయక
తపులుంటె మన్నించి ఒప్పులుగా భావించీ
చప్పున బదులివ్వండి...చప్పున బదులివ్వండి...

తొలిసారి మిమ్మల్ని చూసింది మొదలు
కదిలాయి మదిలోన ఎన్నెన్నొ కధలు
ఎన్నెన్నో కధలు

తలలోన తురుముకున్న తుంటరి మల్లే
తలపులలో ఎన్నెన్నో మంటలు రేపే
ఆహ్ అబ్బా...
సూర్యుడి చుట్టూ తిరిగే భూమికి మల్లే
నా వూర్పుల నిట్టూర్పుకు జాబిలి వాడే
ఆహ్ ఆహ్...

మీ జతనే కోరుకుని లతలాగా అల్లుకునే
నాకు మీరు మనసిస్తే ఇచ్చినట్టు మాటిస్తే
ఇప్పుడే బదులివ్వండి...ఇప్పుడే బదులివ్వండి...

మనసా తుళ్ళి పడకే...అతిగా ఆశ పడకే




మనసా తుళ్ళి పడకే...అతిగా ఆశ పడకే
అతనికి నీవు నచ్చావో లేదో
ఆ శుభ ఘడియా వచ్చేనో రాదో
తొందర పడితే అలుసే మనసా తెలుసా

మనసా తుళ్ళి పడకే...అతిగా ఆశ పడకే

ఏమంత అందాలు కలవనీ వస్తాడు నిన్ను వలచీ
ఏమంత సిరి ఉంది నీకని మురిసేను నిన్ను తలచీ
చదువా పదవా ఏముంది నీకు
తళుకూ కులుకూ ఏదమ్మ నీకు
శృతి మిన్చకే నీవు మనసా

మనసా తుళ్ళి పడకే...అతిగా ఆశ పడకే
అతనికి నీవు నచ్చావో లేదో
ఆ శుభ ఘడియా వచ్చేనో రాదో
తొందర పడితే అలుసే మనసా తెలుసా

ఏనోము నోచావు నీవని దొరికేను ఆ ప్రేమ ఫలము
ఏ దేవుడిస్తాడు నీకని అరుదైన అంత వరము
మనసా వినవే మహా అందగాడు
తనుగ జతగా మనకన్ది రాడు
కలలాపవే కన్నె మనసా

మనసా తుళ్ళి పడకే...అతిగా ఆశ పడకే
అతనికి నీవు నచ్చావో లేదో
ఆ శుభ ఘడియా వచ్చేనో రాదో
తొందర పడితే అలుసే మనసా తెలుసా
మనసా తుళ్ళి పడకే...అతిగా ఆశ పడకే